Honda şirkətinin tədqiqat institutunun əməkdaşları Kaliforniya texnoloji institutu və NASA-nın Reaktiv hərəkətlər laboratoriyası ilə birlikdə yeni növ elektrolit hazırlayıblar. Bu texnologiya enerjinin saxlamasının yüksək sıxlığına və aşağı iş temperaturuna malik olan batareyaları yaratmağa imkan verəcəkdir. Tədqiqatların nəticəsi Science dərgisində dərc edilib.
Ftorid-ion (FIB) akkumulyatorları hazırki litium-ion batareyalarına nisbətən 10 dəfə daha çox enerjini saxlanmağa imkan verən yeni kimyəvi tərkib təklif edir, - Honda tədqiqat institutunun elmi əməkdaşı və layihənin müəlliflərindən biri olan Kristofer Bruks söyləyib. - Onlar qızmağa qarşı davamlıdır. Bu batareyalar üçün gərək olan xammalın hasilatı isə, litium və koblat kimi, ətraf mühit üçün o qədər də dağıdıcı deyildir.
Hazırda möhkəm gövdəli ftorid-ion akkumulyatorların normal fəaliyyət göstərməsi üçün, 150 dərəcəlik yüksək temperatur gərəkdir. Tədqiqatçılar komandası daha aşağı temperaturlarda işləmək bacarığı olan ftorid-ion elektrokimyəvi özəklərin alınması üsulunu tapıblar. Buna, ftor ionlarının yüksək keçiriciliyinə və geniş çalışma gərginliyinə malik olan, kimyəvi sabit maye elektrolitin yaradılması sayəsində nail olunub. Tədqiqatçılar onu mis, lantan və ftordan nanostruktura malik olan kompozit katod ilə birləşdirərək, otaq temperaturunda həyata keçirilən qarşısı alınan elektrokimyəvi prosesi buraxmağa müvəffəq olublar.
Honda şirkəti gələcəkdə tədqiqatların əsasında yaradılacaq batareyalardan ilkin olaraq CES sərgisində göstərdiyi elektron köməkçilərdə, sonra ilə avtomobillərdə və otbiçənlərdən tutmuş generatorlara kimi güc texnikasında istifadə etməyə ümid bəsləyirlər.
