İspaniyanın km77 nəşrinin jurnalistlərinin keçirdiyi testlərdən uğurla çıxan təkcə Dacia Spring elektrokarı olmayıb. Rumın markasının digər modeli - yeni nəsil Dacia Sandero Stepway krossoveri də bu testlərdən uğurla çıxıb. "Sığır” testi zamanı krossover əla nəticə göstərərək jurnalistləri təəccübləndirib.
Yeni Dacia Sandero Stepway ilk cəhdində heç bir konusu yıxmadan 73 km/saat sürətilə “sığır” testini uğurla yerinə yetirib. Lakin 78 və 80 km/saat sürətlərində avtomobil,dönmə çatışmamazlığı ucbatından sınağı "təmiz" tamamlaya bilməyib.
Krossoverin üçün son sınaq klassik slalom olub. İspaniyalı mütəxəssislər bu tapşırığı problemsiz şəkildə yerinə yetirən krossoverin nəticəsindən razı qalıblar. Mütəxəssislər, Sandero Stepway modelinin elektron yardımçılarının qəfil manevrlər zamanı sürücüyə kömək etdiyini, eyni zamanda, sürücünün krossoveri düzgün istiqamətə yönəltməsinə maneçilik törətmədiklərini qeyd ediblər.
"Sığır” testinin nəticələrinə görə, jurnalistlər yenilənmiş Sandero Stepway modelinin kəskin manevrlərə proqnozlaşdırılan reaksiya verdiyini və krossover sürücünün sınaqlar zamanı heç bir problem yaşamadığını söyləyiblər.
