Beynəlxalq avtomobil federasiyasının rəsmi saytı İv Mattonun FIA-nın ralli üzrə direktoru təyin edildiyini və 7 fevral 2018-ci il tarixindən təşkilatın Cenevrədəki ofisində vəzifəsinin icrasına başlayacağını bildirib.
Xatırladaq ki, İv Matton bu günə qədər Citroen komandasının dünya ralli çempionatındakı komandasına başçılıq edirdi.
«Etiraf etməliyəm ki, FIA-da bu vəzifəyə təyinat almağım mənim üçün böyük şərəfdir, - Matton söyləyib. - Həyatım boyu idmanın müxtəlif səviyyələrində işləmişəm.
Bura rallinin tarixində ən uğurlu istehsalçılar ilə də əməkdaşlıq daxildir. Lakin, məhz bu təyinat mənim ən böyük nailiyyətimdir». İv Matton FIA-nın ralli üzrə diroktoru vəzifəsində Yarmo Maxoneni əvəz edib. Citroen WRC komandası Mattonun varisinin adını açıqlamasa da, bir çoxları fransız komandasına Pyer Budarın başçılıq edəcəyindən əmindirlər.