Müəllif GMC şirkəti Los-Anjeles avtosalonunda yenilənmiş ramalı Yukon yolsuzluq avtomobilinin dəbdəbəli Denali Ultimate Black Edition modifikasiyasını təqdim edib. Yeni modifikasiya kuzovun eksklyuziv “qara oniks” rənginə, 22-düymlük təkər disklərinə və 10-pilləli avtomatik ötürmələr qutusuna sahib olub.
GMC Yukon Denali Ultimate Black Edition alüminium qarışığından bloku olan, 426 at qüvvəsi və 624 Nm fırlanma anı hasil edən 6.2-litrlik EcoTec3 V8 mühərriki ilə də təchiz edilir. Avtomobil həm arxa, həm də tam çəkişli transmissiya ilə təklif olunur.
Ofroderin təchizatın elektrik ötürməli lyuk, arxa sərnişinlər üçün multimedia sistemi, elektrik ötürməsi ilə hərəkət edən ayaqaltılar, sınan şüşə və salona sanksiyasız giriş haqqında xəbərdarlıq edən sistem daxildir.
Bundan əlavə, GMC Yukon Denali Ultimate Black Edition maqnitoreoloji amortizatorları olan asqıya, arxa görüntü kamerasına, aktiv səsboğucu sistemə, kor zonalara nəzarət və zolaqda saxlama funksiyalarına, proyeksiya displeyinə və mobil qurğuların induksion doldurulması sisteminə malik olub.
Chevrolet Tahoe modelinin bazasında hazırlanmış GMC Yukon donorundan daha dəbdəbəli tərtibatı ilə fərqlənir. Ofroderin ABŞ bazarındakı əsas rəqibləri Lincoln Navigator və Cadillac Escalade modelləridir. Denali təchizat səviyyəsinə malik olan avtomobillərin qiyməti 65965 dollardan başlayır.
