Pagani Lyuis Həmiltonun bolidinə xüsusi superkar həsr edib

Pagani şirkəti sonuncu Huayra modelinin təsvirlərini yayıb. Xüsusi sifarişlə hazırlanmış supercar Lyuis Həmiltonun bolidinin rəng üslubunda tərtibata malik olub.

Xüsusi superkar Pagani şirkətinin Mayami nümayəndəliyinin sahibi və Prestige Import şirkətinin başçısı Brett David tərəfindən sifariş edilib. “L'Ultimo” indeksinə malik olan avtomobilin kuzovu gümüş, sarı və yaşıl rənglərinə boyanıbdır.

Bununla belə, Pagani Huayra L'Ultimo digər superkarlardan bir sıra kuzov elementləri ilə fərqlənəcəkdir. Bunlara misal olaraq arxa antiqanadı və panoram tavanı göstərmək olar.

Pagani Huayra modeli 6,0-litrlik iki turbokompressorlu V12 mühərriki ilə hərəkətə gəlir. Bu mühərrik 765 at qüvvəsi və 1000 Nm fırlanma anına malikdir. Huayra kupesi 100 km/saat həddini 3,0 saniyədən az müddətə toplayır və 370 km/saat maksimal  sürətə malikdir.

ДРУГИЕ СТАТЬИ