DS markası 2035-ci ilin avtomobilini nümayiş etdirəcək

Citroen şirkətinin premium subbrendi olan DS markası X E-Tense adlı yeni konsept avtomobilinin videotizerini təqdim edib. Konsept fransız markasının 2035-ci ildə necə görünəcəyindən xəbər verir. Videoçarx YouTube kanalındakı DS France-ın səhifəsində dərc edilib.

Videoçarxda konseptin yan tərəfədən görüntüsünü, dəbliqədə olan sürücünü və təkərini görmək olar. Ehtimallara görə, DS X E-Tense iki modifikasiyada təqdim olunmalıdır:  bağlı kuzovla və tək yerli spidster. E-Tense adı bizi Formula E çempionatında iştirak edən E-Tense FE 19  bolidinə ünvanlandırır. Bu konseptin elektrik güc qurğusuna malik olacağından xəbər verir. Yarış bolidi 340 at qüvvəli elektromotor və 54 kilovat-saatlıq batareya bloku ilə təchiz edilir. 2016-cı ildə fransız markası E-Tense adlı konseptual elektrik kupesini təqdim edib. Prototip 402 at qüvvəsi və 516 Nm hasil edən elektrik mühərriki və 53 kilovat-saatlıq  litium-ion batareyaları ilə təchiz etmişdilər.

DS E-Tense 100 km/saat həddinə dörd saniyəyə sürətlənirdi. Onun maksimal sürəti 250 km/saat həddində məhdudlaşdırılmışdır.

ДРУГИЕ СТАТЬИ