Britaniyalılar ən təhlükəsiz avtomobili seçiblər

Volvo XC90 krossoveri Böyük Britaniyada ən təhlükəsiz avtomobil adına layiq görülüb. Thatcham Research tədqiqat mərkəzinin məlumatlarına görə, avtomobilin 2002-ci ildə satışlarının başlandığı zamandan bu günə qədər, yol-nəqliyyat hadisələrində bu krossoverdə bir nəfər belə həlak olmayıb. Bu barədə The Telegraph məlumat yayıb.

2012-ci ildən başlayaraq Birləşmiş Krallığın ərazisində 50 mindən yuxarı XC90 modeli satılıb. Tədqiqatçılar modelin əsas üstünlüklərinin təcili əyləcləmə və mümkün olan toqquşmalar haqqında xəbər verən sistemin olmasını bildiriblər. Volvo XC90 modeli bu funksiyalara sahib olan ilk avtomobillərdən olub.

Thatcham belə sistemlərin tətbiqinin qəza ehtimalını 38% azaldacağını və yaxın 10 il ərzində 1100 insanı xilas edəcəyindən əmin olduğunu bildirib. Bundan başqa, bu sistemlər sığorta üzrə xərclərin azalmasına şərait yaradır.

2015-ci ildə sonuncu nəsil Volvo XC90 modeli Euro NCAP təşkilatının yeni rekorduna imza atıb. Ofrouder 37 xal və ya maksimal mümkün xalların 97 faizini toplamağa müvəffəq olub. Keçən ilin noyabrında Euro NCAp Volvo XC60 krossoverinin yeni rekorda imza atdığını bildirib. Model testlərdə 37,2 xal toplayıb.

ДРУГИЕ СТАТЬИ