Kia Ceed GT modeli 2019-cu ildə təqdim ediləcəkdir

Yeni nəsil Kia Ceed hetçbekinin “qaynar” GT versiyası 2019-cu ildən tez təqdim edilməyəcəkdir. Bu barədə koreya markasının məhsul planlaşdırılması departamentinin rəhbəri Dəvid Labrossa istinadən AutoRAI nəşri məlumat yayıb.

İlkin məlumata görə, “qaynar” modelin kütləvi təqdimatı gələn ilin yazında Cenevrə avtosalonunda baş tutacaqdır. “Qaynar” hetçbeki yalnız beşqapılı modifikasiyada və 1,6-litrlik “turbodördlüklə” təklif ediləcəyi də ehtimal olunur. Güc aqreqatının hasilatı dəyişməyəcəkdir – 204 at qüvvəsi və 265 Nm. Bununla belə, Ceed modelinin Hyundai i30 N modelinə bənzər “bərkgedən” modifikasiyasının olmayacağı da bildirilib.

Labrossun fikrində “qaynar” hetçbekə olan aşağı tələbat onun hazırlanmasını qeyri səmərəli edir. Üçüncü nəsil Kia Ceed modeli bu ilin mart ayında keçirilən Cenevrə avtosalonunda təqdim edilib. Model yeni platformaya, yeni mühərrik çeşidinə və idarəetmə elektronikasının rejimlərinin dəyişdirilməsi sisteminə  sahib olub. Ceed ailəsi hetçbek, universal, liftbek, krossover, “şutinq breyk”  kuzovlu modellərdən ibarət olacaqdır.

ДРУГИЕ СТАТЬИ