Aston Martin DB11 superkarı AMR versiyasına sahib olub

Aston Martin şirkəti DB11 superkarının top variantı olam AMR modifikasiyasını təqdim edib. Aston Martin DB11 V12 superkarını əvəz etmiş avtomobil sələfindən daha yeyin və güclü olub, həmçinin yenidən tənzimlənmiş sükan idarəetməsinə və buraxılış sisteminə sahib olub.

Aston Martin DB11 AMR modeli 638 at qüvvəsi və 700 Nm fırlanma anı hasil edən 5,2-litrlik iki turbokompressorlu V12 mühərriki ilə təchiz edilir. DB11 AMR yerindən 100 km/saat həddinə qədər 3,7 saniyəyə sürətlənir. Bu əvvəlki modeldən 0,2 saniyə yeyindir. Avtomobilin maksimal sürəti 335 km/saatdır.

Yeni modifikasiyanı adi superkarlardan rənglənməmiş karbondan hazırlanmış elementlər və qara-parlaq dekorativ panellər sayəsində seçmək olar. Məsələn, model qara radiator barmaqlığına, fənərlərin qara haşiyələrinə, qara tavanaŞ kapotdakı “ülğücə” və karbondan gövdələri olan yan güzgülərə malikdir.

Əlavə olaraq kupeni karbon liflərindən hazırlanmış mühərrik bölümünün qapağı, buraxılış sisteminin çıxış boruları və hərəkət edən spoyler ilə təchiz etmək də mümkündür.  Aston Martin DB11 AMR modifikasiyasının qiyməti 174995 funt-strlinqdən başlayır. Əlbəttə ki, bu superkarın vətənində satıldığı qiymətdir.

Standart tərtibat variantları ilə yanaşı DB11 AMR xüsusi məhdudlaşdırılmış seriya ilə də buraxılacaqdır. Bu variant “laym” rəngində yarış zolaqları olan Stirling Green rəngli kuzova malik olacaqdır. Bu avtomobillərdən 100 nüsxədə buraxılacaqdır. Onların hər birinin qiyməti 201995 funt-sterlinq olacaqdır.

ДРУГИЕ СТАТЬИ