Alfa Romeo iri krossover, kupe və yeni hibrid qurğular hazırlayır

Bir müddət bundan öncə Alfa Romeo şirkətinin Giulia modelinin ikiqapılı variantını hazırladığı barədə məlumat vermişdik. Lakin, bu italyan istehsalçısının yaxın zamanlarda işıq üzü görəcək yeganə avtomobili deyildir.

“Autocar” nəşrinin məlumatlarına əsasən, italyan markası 2019-cu ildə Stelvio modelindən bir pillə yuxarıda duracaq iri krossoveri təqdim edəcəkdir. Avtomobil ölçülərinə görə Alfa Romeo Stelvio modelindən böyük olsa da, onunla eyni platformanı bölüşəcəkdir. Yeni krossoverin Stelvio modelindən 200 kiloqram və oturacaqların üçüncü cərgəsinə malik ağır olacağı da söylənilənlər arasındadır.

Yeni krossoverin mühərrik çeşidinə elektrik üfürməsi olan güc aqreqatının və 48-voltluq şəbəkədən çalışan startyor-generatorla təchiz edilmiş “yumşaq” hibrid qurğusunun da daxil ediləcəyi ehtimal edilir. Krossoverlərin köməyi ilə Alfa Romeo şirkəti satışları artıraraq pul qazanmaq niyyətindədir. İmicin möhkəmləndirilməsi məsələsinə isə Giulia kupesi cavabdeh olmalıdır.

Bundan başqa italyan istehsalçısı Magnetti Marelli firması ilə birlikdə HY-KERS sisteminin əsasında hazırlanmış hibrid güc qurğularının yaradılması üzərində çalışır. Bu sistem əyləcləmə zamanı və döngələrdə daxili yanacaq mühərrikinin izafi dartma qüvvəsindən istifadə edərək enerjini toplayır.

İlkin məlumata görə, iki hibrid qurğusu hazırlanır. Bunlardan birinin əsasını 2,0-litrlik dörd silindrli turbomühərrik, digərinin isə 2,9-litrlik V6 mühərriki təşkil edir. Onların gücü müvafiq olaraq 350 və 650 at qüvvəsi olmalıdır. Yeni modellərlə yanaşı bu aqreqatlar mövcud olan avtomobillərdə də quraşdırılacaqdır.

ДРУГИЕ СТАТЬИ