Yenilənmiş Hyundai Elantra sedanının prototipləri cəsuslar tərəfindən yaxalanıb

Hyundai şirkəti ortaölçülü Elantra sedanın yenilənmiş variantının prototipinin sınaqlarına başlayıb. Yenilənmiş avtomobilin kamuflyaja bürünmüş prototipinin fotoşəkilləri Cənubi Koreya yollarında cəsuslar tərəfindən çəkilibdir.

“Autocar” dərgisinin məlumatına görə, yenilənmiş avtomobil dizaynı dəyişdirilmiş işıq texnikasına, ön və arxa bamperə, həmçinin bir sıra yeni dizayn elementlərinə sahib olacaqdır. Dərc edilmiş cəsus təsvirlərdən ön fənərlərdəki işıqdiodlarından olan gündüz hərəkət işıqlarının fənərin yuxarı hissəsinə keçirildiyini müşahidə etmək mümkündür.

Üstəlik, avtomobilin ön hissəsinin güclü kamuflyajı onun tərtibatının ciddi şəkildə dəyişdiyindən də xəbər verir.

Eyni zamanda, arxa fənərlərin tərtibatı da tamamilə yenilənib – onların işıqdiodlarından üfüqi xəttlərə malik olacağı cəsus şəkillərində açıq-aydın görünür.  

Avtomobilin salonunda da yeniliklərin olması gözlənilir. Ən azından koreya istehsalçısı yeni tərtibat variantlarını və materialları təklif edəcəkdir. Elantra modelinin daha müasir multimedia sistemi ilə təchiz olunacağı da istisna edilmir.

Texniki dəyişikliklərə gəldikdə isə, yenilənmiş Hyundai Elantra modelinin yeni nəsil Kia Forte modelində debüt edən Smart Stream ailəsindən olan güc aqreqatları və ötürmələr qutuları ilə təchiz ediləcəyi gözlənilir.

ДРУГИЕ СТАТЬИ