Amerikalılar yol üzərində "süzən" asqı sistemini kütləvi etmək niyyətindədirlər

Amerikan ClearMotion firması 2019-cu ildə özünün yeni məhsulunu buraxmaq niyyətindədir. Elektronika tərəfindən idarə edilən yeni sistem yolun vəziyyətindən asılı olaraq amortizatorların xarakteristikalarını uyğunlaşdırmaqla kifayətlənmir və lazımi anda bu və ya digər təkəri “qısaraq” və yaxud “irəli sürərək” nahamarlıqları öncədən “emal” edir.

Hazırda sistemin prototipi BMW 5-Series sedanında quraşdırılıb. Sınaq poliqonda çəkilmiş videoçarxda da göründüyü kimi döngələrdə avtomobilin kuzova yana daha az əyilir və nahamar yolda avtomobili yirğalamır, həmçinin maneləri yumşaq şəkildə qət edir. Şirkətin rəhbəri Şah Avadxani öz məhsulunun mövcud olan proaktiv asqı sistemləri arasında ən yeyin işləyən olduğunu bildirib.

Buna bənzər Magic Body Control adlı sistem 2013-cü ildən Mercedes-Benz şirkəti tərəfindən S-Class sedan və kupelərində təklif edilir.

Lakin, bu sistemdə hidroakkumulyatorlara birləşən hidrosilindrlər amortizatorun yuxarı dayağının vəziyyətini dəyişir. Sistemin çalışması üçün, kameralardan alınan görüntüyə əsaslanaraq elektonika tərəfindən idarə edilən güclü hidronasos tələb olunur. Qeyd etmək gərəkdir ki, yolda tez-tez rastlanan kələ-kötürlük olduqda sistem çaşır, sürət artıqda isə ümumiyyətlə pis işləyir. Bundan başqa, qaranlıqda sistem tamamilə “kor” olur.

ClearMotion firmasının məhsulu belə sistemlərdən daha qabaqcıl sayılır. Onu avtomobilə quraşdırmaq üçün ciddi dəyişikliklər demək olar ki tələb olunmur, bütün hidravlika isə birbaşa amortizatora birləşdirilən yığcam korpusda yerləşir.

Activalve adlanan modulda  hidravlik klapan, kontroller və hidronasosu işlədən kiçik motor yerləşir.Həmin nasos elektronikanın komandası ilə təkərin yuxarı və ya aşağı hərəkət etməsi üçün amortizatorun daxilinə yağ vurur.

Üstəlik elektronika kameraların görüntülərinə əsasən deyil, “bulud anbarından” daxil olan və yolun bir santimetr icazəli görüntüsünü əks etdirən xəritənin məlumatları ilə çalışır.

Lakin, bu sistem də çoxlu sayda çatışmamazlıqları mövcuddur. Birincisi belə xəritələr çox azdır, ikincisi isə, yoldakı kələ-kötürlər də geniş zolaqlı internet kimi peyda və yox olmaq xüsusiyyətinə malikdir.

Akustik sistemləri ilə məşhur olan amerikan firması proaktiv asqı üzərində 1980-ci ildən çalışır. İşləri sürətləndirmək üçün onlar Bose şirkətinin elektromaqnit asqısını belə satın alıblar.

ДРУГИЕ СТАТЬИ