Audi yaxın yeddi il ərzində 20 yeni elektromobil təqdim edəcəkdir

Audi şirkəti yaxın yeddi il ərzində 20 yeni elektromobil buraxmağı planlaşdırır. Bu müddət ərizndə istehsalçı 800 min ədəd elektromobil və qoşulan hibrid satmaq niyyətindədir. Bu məlumatlar istehsalçının Audi.Vorsprung.2025 adlı yenilənmiş strateji planında əks olunub.

Gələcəkdə təqdim ediləcək elektromobillər arasında birinci olaraq satışa çıxacaq e-tron krossoveri də vardır.

Bu modeldən sonra e-tron Sportback kupe-krossoveri, 2020-ci ildə isə e-tron GT superkarı işıq üzü görməlidir. Sonuncu model Audi Sport bölümü tərəfindən hazırlanacaqdır. Model xəttinin elektrikləşdirilməsinə, avtonom idarəetmə sistemlərinin və yeni rəqəmsal texnologiyalarının hazırlanmasına Audi şirkəti 40 milyard avro xərcləyəcəkdir. Yeni strategiyaya əsasən, 2021-ci ildə Audi markasının ilk pilotsuz avtomobili debüt etməlidir. Bu avtomobil Aicon konseptinin bazasında inşa ediləcəkdir.

Şəhər şattlı kimi mövqelənən nəqliyyat vasitəsi ilkin olaraq şirkətin test parkında sınaqdan çıxarılacaq, sonra isə seriyaya gedəcəkdir.

ДРУГИЕ СТАТЬИ