Müəllif Siverstone hərrac evi satışlara Audi Quattro seriyaöncəsi prototipini çıxarıb. Sağ tərəfdə sükanı olan avtomobillərdən cəmi 12 ədəd buraxılıbdır. Onlardan ikisinin bizim günlərə gəlib çıxdığı məlumdur. Unikal avtomobilin ilkin qiyməti 50-60 min funt-sterlinqdir.
Audi Quattro modeli Dünya rallisinin ən güclü “Qrup 4” sinifində içıxış edən avtomobilin omoloqasiyası üçün buraxılmışdır. O zaman, Audi şirkəti bu modelin seriya istehsalı barədə belə düşünmürdü. Sağ tərəfdə sükanı olan modelin hazırlanmasına Böyük Britaniyada kupeyə olan yüksək tələbat təkan vermişdir.
Prototiplər seriya modellərindən C seriyasından olan şassisi, dörd fənəri, başqa asqı və əyləcləri ilə fərqlənirdi. Avtomobilin kapotunun altında 2,1-litrlik beş silindrli turbomühərrik yerləşirdi. Beş pilləli mexaniki qutu ilə çalışan mühərrikin hasilatı 200 at qüvvəsi və 285 Nm təşkil edirdi. Tamçəkişli kupe 100 km/saat sürətini 7,1 saniyəyə toplayırdı.
Audi Quattro modelinin Avropadakı satışlarına 1980-ci ildə başlanmışdır. Bu model öndə yerləşən mühərrikin, tam çəkiş sisteminin və turbomühərrikin birləşməsini təklif edən ilk avtomobil olub. 1980-1991-ci illərdə 11452 ədəd Audi Quattro modeli buraxılıbdır.
