Volkswagen şirkəti Tharu modelinin eksteryerini nümayiş etdirib

Volkswagen şirkəti yeni qlobal modeli olan Tharu krossoverinin fotoşəkillərini dərc edib. Alman istehsalçısı ildə 400 min Tharu modelini istehsal etməyi planlaşdırır. Bununla belə, yeni model Qərbi Avropada satılmayacaqdır.

İlkin olaraq Tharu modeli Çin bazarında təklif ediləcəkdir. Yeni krossover avqust ayından başlayaraq SAIC- Volkswagen birgə müəssisəsində buraxılmağa başlayacaqdır. Sonradan alman istehsalçısının digər zavodları da bu prosesə qoşulacaqdırlar. Məsələn, Şimali Amerika bazarı üçün nəzərdə tutulan avtomobillər alman istehsalçısının Meksikadakı, Cənubi Amerikada satılacaq modellər isə Argentinadakı zavodunda istehsal ediləcəkdirlər.

Şərqi Avropa və MDB dövlətləri üçün krossoverlər isə, 2020-ci ildən başlayaraq Volkswagen şirkətinin Kaluqadakı müəssisəsində yığılacaqdırlar. Çox güman ki, bizim bazarda da Rusiyada istehsal edilmiş Tharu krossoverləri satılacaqdırlar.  Şəkillər dərc edilsə də, alman istehsalçısı yeni model haqqında ətraflı məlumat verməyib.

Lakin, avtomobilə bir baxış kifayətdir ki, qarşımızda dizaynı dəyişdirilmiş Şkoda Karoq modelinin olduğunu görək.  Bunu avtomobilin yan tərəfdəki cizgiləri açıq aydın göstərir. Ön və arxa tərəfdən isə, Teramont modelinin tanış sinasını müşahidə etmək olar. Xalq dili ilə desək, almanlar Karoq və Teramont modelindən maraqlı bir “həftəbecər” düzəldiblər.

ДРУГИЕ СТАТЬИ