Peugeot Parisə yeni radikal konsept gətirəcək

Peugeot şirkəti Parisdə keçiriləcək avtosalonda “görkəmli və radikal” avtomobili göstərəcəyini bildirib. Böyük ehtimalla, bu elektrik güc aqreqatı ilə təchiz edilən konseptual avtomobil olacaqdır. Bu barədə markanın başçısı Jan-Filipp İmpartoya istinadən “Autocar” nəşri bildirib.

İlkin məlumata görə, konsept avtomobili fransız markasının gələcək bayraqdar modelinin carçısı olacaqdır. Həmçinin bu konseptin köməyi ilə Peugeot model xəttinin elektrikləşdirilməsinə başlamaq niyyətindədir. 2019-cu ildən başlayaraq fransız istehsalçısının hər bir modeli benzin, dizelŞ hibrid və ya elektrik güc aqreqatı ilə təklif ediləcəkdir. İmpartonun sözlərinə görə, güc qurğusunun seçimi avtomobilin ölçüsündən asılı olacaqdır.

Belə ki, 3008 krossoveri və 508 sedanı qoşulan hibrid, 208 şəhər avtomobili isə elektrik mühərriki ilə təklif ediləcəkdirlər. Peugeot tərəfindən təqdim edilmiş sonuncu konsept şutinq-breyk kuzovlu Instinct prototipi olub. Konsept 2017-ci ildə Cenevrə avtosalonunda təqdim edilib. Peugeot Instinct 300 at qüvvəsi hasil edən hibrid qurğusu, avtopilot və sürücünün tələbatlarını öncədən görən multimedia sistemi ilə təchiz edilirdi.

ДРУГИЕ СТАТЬИ