Citroen Avropada satılacaq C5 Aircross modelini təqdim edib

Citroen şirkəti avropa bazarı üçün nəzərdə tutulmuş C5 Aircross modelini təqdim edib. Xatırladaq ki, krossoverin çin bazarında satılan variantı keçən ilin yazında debüt etmişdir.

Qeyd etmək lazımdır ki, avropa bazarında satılacaq krossover “çinli” qardaşından bir sıra cəhətləri ilə fərqlənir. Belə ki, avropalılara ünvanlanmış avtomobil daha komfortlu asqıya, 230 millimetrlik klirensə, interyerin 30 variantda tərtibatına və ön qapıların aşağı hissəsində quraşdırılmış Airbamp müdafiə elementlərinə malik olub.

Krossoverin qabarit uzunluğu 4500 millimetr, eni – 1840 millimetr, hündürlüyü – 1670 millimetr, təkər bazasının uzunluğu isə 2730 millimetrdir. Baqaj bölümünün həcmi isə 580-720 litrdir. Arxa cərgənin qatlanması halında bu rəqəm 1630 litr təşkil edir. Fransızlar avtomobilin yük bölümünün həcminə görə seqmentində lider olduğunu iddia edirlər.

Citroen C5 Aircross modeli PSA qrupunun EMP2 platformasında inşa edilib.  Krossover “proqressiv hidravlik yastıqlara” malik olan yeni asqı sistemi ilə təchiz edilir ki, bu sistem də ənənəvi Hydractive pnevmatik asqısını əvəz edib. Citroen mühəndisləri yeni asqının işini “uçan xalça” ilə müqayisə edirlər.

C5 Aircross həmçinin səs izolyasıyasını yaxşılaşdıran çoxqatlı ön şüşələr, massaj funksiyası olan ön oturacaqlar, tənizmlənən arxa oturacaqlar, panoram tavan, adaptiv kruiz-kontrol, avtomatik parklanma sistemi, dairəvi görüntü sistemi, arxa görüntü güzgüsünə quraşdırılmış Wi-Fi girişi və 16 giqabayt yaddaşı olan  full HD kamera ilə təchiz edilibdir.

Bu kameranı fotoaparat və videoregistrator kimi istifadə etmək mümkündür. Əldə edilən görüntüləri dərhal sosial şəbəkələrdə paylaşmaq da olar.

ДРУГИЕ СТАТЬИ