Forbes nəşrinin reytinqi:Toyota liderdir, Hyundai isə dəyər itirib

Forbes juranlı ən bahalı brendlərin illik reytinqini dərc edib. Avtomobil markaları arasında birinci yeri Toyota tutub. Nəşrin qiymətləndirmələrinə görə, yapon markasının dəyəri 44,7 milyard dollar təşkil edir.

Ümumilikdə bu reytinqə 20 avtomobil markası daxil olubdur. Üstəlik, bütün markalar il ərzində müsbət dinamika göstəriblər – onların dəyəri artıb. Yeganə istisna Hyundai brendi olub. Koreya markası iki faizlik dəyər itkisinə məruz qalıb. Ən iri artımı isə Mercedes-Benz markası göstərib – 18%. Alman markası 34,4 milyardla avtomobil markalarının reytinqində ikinci yeri tutub. Onların Münhendən olan rəqibləri 31,4 milyardla üçüncü yerdədir.

Dördüncü və beşinci yerləri müvafiq olaraq 25,5 və 14,8 milyard dollarla Honda və Audi markaları tutur. Ford 14,1 milyardla altıncı, Chevrolet isə 11,5 milyardla yeddincidir. Məşhur idman avtomobilləri istehsalçısı Porsche 14 faizlik artım göstərməsinə baxmayaraq 11 milyard dollar dəyərlə səkkizincidir. İlk onluğu Lexus və Nissan marklaları tamamlayıb. On birinci yerdə 2 faizlik dəyər itkisinə malik olan Hyundai markası qərarlaşıb. 16 faizlik atrım göstərmiş Volkswagen brendi isə 7,9 milyardla on ikincidir.

Forbes nəşrinin reytinqində birinci yeri Apple şirkəti tutur. Bu brendinin dəyəri 182,8 milyard dollar təşkil edir. “Almanı” Google və Microsoft təqib edirlər. Liderlər beşliyini isə Facebook və Amazon tamamlayır.

Ümumi reytinqdə doqquzuncu olan Toyota isə Disney studiyası (47,5 milyard) ilə AT&T firmasının (41,9 milyard) arasında yer alıb.

ДРУГИЕ СТАТЬИ