Britaniyalılar Skoda Superb universalını zirehli avtomobilə çevirməyi təklif edirlər

Adətədən zirehli sedan və ofrouderlərin premium markalardan olduğuna adət etmişik. Zirehli avtomobil dedikdə dərhal, Audi, Mercedes-Benz, BMW, Jaguar və ya Range Rover yada düşür. Lakin, Şkoda nümayəndələri heç də bununla razı deyillər.

Bu günlərdə Şkoda şirkətinin Britaniyadakı nümayəndəliyi Superb universalının bazasında hazırlanmış zirehli avtomobili təqdim edib. Avtomobil britaniya PAS 300 standartına uyğun olaraq, sərnişinlərini iri kalibrlı odlu silahdan açlan atəşdən və əl bombasının partlayışından qorumaq imkanına malikdir.

Zirehli universalın yaradılmasına üç il vaxt sərf edilib. Onun istehsalına isə, dörd həftə tələb olunur. Onun qiyməti də imkanlarına müvafiqdir – 118688 funt-sterlinq (287171 manat). Bu qiymətə Audi S8 sedanını və ya Porsche 911 GTS sportkarını almaq olar.

Zirehli universal adi avtomobildən gülləkeçirməz şüşələri, qaynar formalaşan poladdan və kompozit materiallardan hazırlanmış kuzov panelləri, gücləndirilmiş asqısı və əyləcləri, həmçinin xüsusi sayrışan işıqları və səs siqnalı ilə fərqlənir.

Xüsusi hazırlanmış plastikdən əlavələri olan deşilməyən təkər və disklər sayəsində avtomobilə tamamilə boşalmış şinlər ilə hərəkəti davam etdirə bilər. Zirehli Skoda Superb universalının kapotu altında adi 2,0-litrlik dizel mühərriki yerləşdirilib. Güc aqreqatı 190 at qüvvəsi və 400 Nm fırlanma anı hasil edir. Zirehli avtomobilin dinamik xarakteristikaları açıqlanmayıb.  

ДРУГИЕ СТАТЬИ