Jaguar I-Pace SVR krossoveri həddən ziyadə "qaynar" ola bilər

Bu günlərdə Jaguar I-Pace modeli eTrophy adlanan yarış modifikasiyasına sahib olub. Lakin onun 400 at qüvvəsi və 696 Nm fırlanm anı hasil edən güc aqreqatı praktiki olaraq standart aqreqatdan seçilmir. Fərq krossoverin azaldılmış çəkisindədir.

Eyni zamanda, britaniya istehsalçısının rəhbərliyi “bərkgedən” SVR modifikasiyası barədə də düşünməyə başlayıbdır. Jaguar Land Rover ittifaqının strateji planlaşdırma üzrə direktoru Hanno Kirner bu barədə öz düşüncələrini “Autocar” dərgisi ilə bölüşüb. “Bəli, biz avtomobilin 100 km/saat həddinə sürətlənməsini 1,8 saniyə edə bilərik. Bu zordur, lakin bir-iki sürətlənmədən sonra sizing gözləriniz hədəqəsindən çıxacaq, və çətin ki, siz birdə bunu təkrar etmək istəyəsiniz”, - Kirner bildirib.

Öz növbəsində, Kirner idarəetmənin və çəkinin oxlar arasında 50:50 nisbətində ideal şəkildə bölünməsinin daha vacib olduğunu düşünür. Yəni, 0-dan 100 km/saat həddinə sürətlənmənin konsernin elektrokarları üçün üstünlük təşkil etmədiyini anlamaq gərəkdir.

Hanno Kirner Jaguar I-Pace SVR modelinin həddindən ziyadə yeyin olmasını istəmir:“Ani şəkildə meydana çıxan maksimal dartma qüvvəsinin hazırlığı olmayan sürücülər üçün təhlükə mənbəyinə çecvriləcəyi məni narahat edir. Məncə, ilkin olaraq hansısa məhdudiyyətləri tətbiq etmək gərəkdir. Xüsusi kurslar yaradaraq sürücüləri hazırladıqdan sonra, bu məhdudiyyətləri götürmək olar”.

Jaguar I-Pace eTrophy

Bundan başqa, menecer Jaguar modelləri üçün mümkün olan yeni modofikasiyalardan da danışıb. Məsələn, SVR indeksi məhsuldarlığa işarə edirsə, SVX indeksi ofrouda üstünlük verənlərə, SVA isə dəbdəbə sevənlərə ünvanlanmış ola bilər.

Böyük ehtimalla Jaguar I-Pace SVA modelinə “yaşıl işıq” yandırılıb və belə modifikasiya bayraqdar Jaguar XJ sedanının elektrik variantından sonra işıq üzü görəcəkdir. Sonuncu 2019-cu ildə debüt etməlidir.

ДРУГИЕ СТАТЬИ