Sonuncu Dodge Challenger SRT Demon modeli hərraca çıxarılacaq

2014-cü ildə Ontariodakı zavodun konveyerendən çıxan ilk Dodge Challenger SRT Hellcat modeli Las-Veqasda keçirilən Barrett-Jackson hərracında satılmışdır. O zaman, avtomobili NASCAR çempionatındakı Hendrick Motorsports komandasının sahibi Rik Hendrik 825 min dollara əldə etmışdır.

Hərrac evi komisyon ödənişlərindən imtina etmiş, multimilyoner Ralf Engelstadın ailəvi fondu isə məbləği ikiqatına çıxarmışdır. Beləliklə, xeyriyyə məqsədlərinə yönəldilən məbləğ 1,65 milyon dollar təşkil etmişdir. Bu günlərdə digər bir Challenger modelinin satışından əldə ediləcək vəsait də xeyriyyə məqsədlərinə yönəldiləcəkdir. Söhbət əlbəttə ki, 30 may tarixində buraxılmış sonuncu Dodge Challenger SRT Demon modelindən gedir.  

Bu avtomobilin də Barrett-Jackson hərracında satılması nəzərdə tutulmuşdur.

Qara rəngli kuzova malik olan avtomobil son yığım mərhələsindən keçəcəkdir. Avtomobil unikal VİN-nömrəsi həkk edilən lövhəni və orijinal 18-düymlük təkər disklərini əldə edəcəkdir. Bütün bu işlərdən sonra sonra, onun qara rəngli kuzovu əl ilə orijinal Viper Red çalarına boyanacaqdır.

Bu da təsadüfi deyildir, çünki  Dodge Challenger SRT Demon kupesi sonuncu Dodge Viper modeli ilə birlikdə satılacaqdır. Xatırladaq ki, Demon bir il ərzində 3300 nüsxəlik tirajla buraxılıb. 2013-cü ildən istehsal edilən Viper modeli isə 5 il ərizndə 3249 alıcısını tapıb.

ДРУГИЕ СТАТЬИ