Ram markası ekstremal pikap buraxacaqdır

Ram şirkəti 1500 pikapının ekstremal modifikasiyasını buraxacağını bildirib. Ram TRX adlı pikap istehsalçının model xəttində 2022-ci ildə peyda olacaqdır. Pikap 2016-cı ildə nümayiş etdirilmiş Rebel TRX konseptual modelinin əsasında yaradılacaqdır.

Ram markasının tarixində ən güclü pikap olacaq model Ford F-150 Raptor modeli ilə rəqabət aparacaqdır. Ram TRX modeli Hellcat adlanan 6,2-litrlik səkkiz silindrli kompressorlu mühərriklə təchiz ediləcəkdir. Eyni aqreqat  “bərkgedən” Jeep Grand Cherokee Trackhawk ofrouderinin kapotu altında yerləşdirilib. Güc aqreqatı 717 at qüvvəsi və 875 Nm fırlanma anı təklif edir.

Rebel TRX konseptində olduğu kimi seriya pikapı da xüsusi buraxılış sisteminə, gücləndirilmiş asqıya və əyləc mexanizmlərinə, həmçinin aqressiv yolsuzluq dəstinə və “dişli” təkərlərə malik olacaqdır. TRX modeli ilə yanaşı Ram ağır pikapı və ortaölçülü yeni modeli buraxacaqdır. Eyni zamanda, Ram Promaster City kompaktveni də nəsil dəyişəcəkdir.

ДРУГИЕ СТАТЬИ