Jeep Renegade krossoveri yenilənib

Jeep şirkəti yenilənmiş Renegade ofrouderinin tizerini və avtomobil haqqında ilk məlumatı dərc edib. Bir litrlik mühərrikə sahib olacaq avtomobilin təqdimatı bu ayın ikinci yarısında baş tutacaqdır.

Yayılan tizerdə Jeep Renegade modelinin arxa işıq texnikası dərc edilibdir.  Şəkildən də göründüyü kimi fənərin içində olan xaç əvvəlki kimi ağ deyil qırmızı rəngdə olacaqdır. Bundan başqa, əvvəllər dərc edilmiş cəsus fotoşəkillərində avtomobilin ön hissəsi də təsvir edilmişdir. Onlarda duman əleyhinə fənərlərin yerinin dəyişdiyini və avtomobilin Wrangler modelinin üslubunda ön fənərlərə sahib olduğunu görmək mümkündür.

Mətbuat üçün açıqlamada yenilənmiş krossoverin mühərrik çeşidinə yeni üç və dörd silindrli mühərriklərin daxil ediləcəyi bildirilib. Bunlar 120 at qüvvəli 1,0-litrlik, həmçinin 150 və 180 at qüvvəsi hasil edən 1,3-litrlik mühərriklərdir. Hazırda Renegade modeli 1,4 və 2,4-litr arasında iş həcmi olan aqreqatlar ilə təklif edilir. Bundan əlavə, mühərrik çeşidinə 120 və 170 at qüvvəsi hasil edən MultiJet2 dizeli də daxildir.

ДРУГИЕ СТАТЬИ