Yenilənmiş Hyundai Tucson "yumşaq" hibrid ilə təchiz edilib

Hyundai şirkəti yenilənmiş Tucson krossoverinin hibrid modifikasiyasını təqdim edib. Söhbət “yumşaq” hibrid (mild hybrid) adlanan güc aqreqatından gedir. Bir müddət bundan öncə bənzər aqreqat yenilənmiş Kia Sportage krossoverində debüt edib.

Yenilənmiş avtomobil tərkibinə 2,0-litrlik dizel mühərriki, 10-kilovatlıq startyor-generator rolunu oynayan elektromotor və 0,44 kilovat-saatlıq yığcam litium-ion batareyası daxil olan hidrid güc aqreqatı ilə təchiz olunur. Sistem 48-voltluq cərəyandan çalışır. İstehsalçının məlumatlarına əsasən, WLTP sınaq metodikası ilə yeni aqreqat karbon-dioksidinin tullantısı səviyyəsini yeddi faiz azaltmağa imkan verib.

Sürətlənmə zamanı elektromotor DYM-nə yardım edərək daha güclü sürətlənməni təmin edir. Əyləcləmə zamanı isə enerjini batareyalarda toplayır. Sistem mühərriki hərəkət zamanı söndürmək imkanına da malikdir. Mühərrik əyləcləmə zamanı sönür, akseleratora basdıqda isə yenidən işə düşür. 

Xatırladaq ki, 2,0-litrlik dizel mühərriki Tucson modelinin mühərrik çeşidində olan ən güclü aqreqatdır. 186 at qüvvəsi hasil edən mühərrik 6-pilləli mexaniki və yaxud yeni 8-pilləli avtomatik ötürmələr qutusu ilə təchiz edilir. Gələn ildən koreya istehsalçısı bu mühərriki Smart Stream ailəsindən olan yeni 1,6-litrlik dizel aqreqatı ilə əvəz edəcəkdir.

ДРУГИЕ СТАТЬИ