Peugeot şirkəti 508 modelini universala çevirib

Peugeot şirkəti ikinci nəsil 508 modelinin universal kuzovlu modifikasiyasını təqdim edib. Universal sedanın dinamik profilini və çərçivəsiz qapılarını da əldə edib.Yeni universalın kütləvi təqdimatı payızda keçiriləcək Paris avtosalonunda baş tutacaqdır.

Yeni universalı ikinci nəsil Peugeot 508 modelinin təqdimatından üç ay yarımdan sonra nümayiş etdiriblər.  2010-cu ildə Peugeot 607 modelinin istehsalının dayandırılmasından sonra 508 modeli fransız markasının yeni bayraqdarı olub. Yeni avtomobil sələfindən daha dinamik görkəmə malikdir.

Universal sələfindən 6 santimetr alçaq və 5 santimetr qısadır. Arxa dayaq güclü mailliyə malikdir, qapılar isə liftbekdə olduğu kimi çərçivəsiz qapılarını qoruyub saxlayıb.  Universal 530 litrlik baqaj bölümünə sahibdir. Arxa cərgə sərnişinlərin rahatlığı təmin etmək üçün 27 dərəcə tənzimlənir.

Əlavə olaraq, arxa cərgənin oturacaqlarını 1:2 nisbətində qatlamaq da mümkündür. İkinci cərgənin oturacaqlarının qatlanması halında rəvan səhtli meydança əmələ gəlir. Bu meydançanın həcmi isə 1780 litr təşkil edir. Ümumilikdə, universalın qalan hissələri liftbeklə eynidir.

Peugeot 508 universalı da liftbek kuzovlu modifikasiya kimi işıqdiodlarından gündüz hərəkət işıqlarına, yığcam sükan çarxı olan i-Cockpit salon arxitekturasına, mərkəzi 10-düymlük displeyə və yuxarıda yerləşdirilmiş 12,3-düymlük rəqəmsal cihazlar paneli ilə təchiz edilir.

Bundan başqa, 70 kiloqram yüngülləşmiş avtomobil aktiv asqıya(GT variantında) və insanları və iri heyvanları 200-250 metrdən aşkarlayan gecə görüntü sisteminə sahib olub. Yeni modelin mühərrik çeşidinə iki benzin və dörd dizel güc aqreqatı daxildir.

Benzin mühərriklərini 180 və 225 at qüvvəli 1,6-litrlik turbomühərriklər, dizel aqreqatlarını isə, 130 at qüvvəli 1,5-litrlik, 160 və 180 at qüvvəli 2,0-litrlik BlueHDi mühərrikləri təmsil edirlər. Peugeot 508 modelinin hibrid variantı gələn ilin yazında debüt etməlidir.

ДРУГИЕ СТАТЬИ