Honda, Jaguar və Volvo Car Design Award mükafatına layiq görülüblər

Turində "Car Design Award 2018" mükafatının təqdimetmə mərasimi keçirilib. On iki jurnalistdən ibarət münsiflər heyəti üç nominasiyada (“konsept avtomobili”, “seriya avtomobili” və “brendin dizayn üslubu”) qalibləri seçiblər. Mükafatları Honda, Jaguar və Volvo markaları alıblar.

Son ildə yaradılmış konsept avtomobilləri arasında qalib kiçicik Honda Uban EV elektrik hetçbeki olub. Jurnalistlər yapon markasının dizaynerlərini retro-motivləri futurustik estetika ilə uyğunlaşdırdıqlarına görə tərifləyiblər.

Səsvermənin nəticələrinə əsasən eyni xalları toplamış iki kupe Honda konseptinə cüzi uduzub. Bunlar Nyu-York avtosalonunda debüt etmiş Genesis Essentia və Tokyo avtosalonunda nümayiş olunmuş Mazda Vision Cope konseptləridir.

Seriya avtomobilləri arasında ən yüksək xalları Jaguar E-Pace krossoveri toplayıb. “Daha iri modelin cizgilərindən istifadə edilsə də, avtomobil F-Pace modelinin kiçildilmiş surətinə bənzəmir. Onun öz güclü xarakteri var”, - münsiflər heyəti bildirib.

Səsvermənin nəticələrinə görə Jaguar krossoverinə Böyük Britaniyadan olan digər avtomobil uduzub. Bu Aston Martin Vantage kupesidir. Üçüncü yeri isə, Volvo şirkətinə məxsus olan Polestar şirkətinin elektrik kupesi tutub.

Ən yaxşı dizayn üslubuna görə mükafat Volvo şirkətinə qismət olub. Münsiflər heyətinin üzvləri son illərdə marka ilə baş verən dəyişikliyi – skandinav dizaynının yenidən dərk edilməsini və incə işıq texnikasını, - xüsusi olaraq qeyd ediblər.

Car Design Award mükavatı 1984-cü ildə italyan ixtisaslaşdırılmış Auto&Design dərgisinin baş redaktoru Fulvio Çinti tərəfindən təsis edilib.

Müsabiqə 1997-ci ilə qədər hər il keçirilib, 2016-cı ildə isə yenidən bərpa edilibdir. Hazırda münsiflər heyətinin tərkibinə Avropa, ABŞ, Latın Amerikası və Asiyadan olan 12 jurnalist daxildir. Keçən il yüksək mükafatları Jaguar I-Pace, Ford GT sportkarı və Land Rover brendi alıblar.

ДРУГИЕ СТАТЬИ