Ford şirkəti Shelby Mustang GT350 kupesini yeniləyib

Məlumdur ki, Kerrol Şelbinin adını daşıyan Ford Mustang avtomobilləri bu modelin həvəskarları arasında xüsusi yer tuturlar. Shelby amblemini nəinki Keroll Şelbinin tüninq atelyesinin hazırladığı “əzələ” avtomobilləri, bu adı həmçinin kupenin zavod istehsalı olan top-variantları daşıyır.

Bu günlərdə Ford şirkəti belə bir modellərdən olan Mustang GT350 kupesinin yenilənmiş variantını təqdim edib.  

“Qaynar” kupe yenidən işlənmiş MagneRide asqısına malik olub. Asqı sistemi yeni yaylara və maqnetoroloji mayesi olan amortizatorlar ilə təchiz edilir. Bundan başqa, sükanın elektrik gücləndiricisinin, üçrejimmli stabilizasiya sisteminin və Brembo əyləclərinin tənzimlənmələri yenilənibdır.  Əyləc sistemi öndə altıporşenli, arxada isə dördporşenli supportlara sahib olub.

Eyni zamanda, kupe 19-düymlük təkər diskləri və tərkibi yaxşılaşdırılmış Michelin Pilot Sport Cup 2 şinləri ilə təchiz edilir.

Aerodinamikaya gəldikdə isə, əvvəli quyruq-spoyler əvəzinə kupe tam ölçülü antiqanada malik olubdur. Əlavə ödənişlə yerəbasma gücünü artıran Gurney flap qalxan-ekstenderini də sifariş etmək olar. Eyni zamanda, ön hava girişlərinin konfiqurasiyası da dəyişdirilibdir. Bütün bu təkmilləşdirmələr Mustng Shelby GT350 kupesini düzlüklərdə daha yeyin, döngələrdə isə daha stabil edibdir.

Yeri gəlmişkən, modelin 5,2-litrlik V8 mühərriki əvvəlki kimi 533 at qüvvəsi və 582 Nm hasil edir. Güc aqreqatı altı pilləli Tremec mexaniki transmissiya ilə tandemdə çalışır.

Avtomobilin avadanlıq siyahısında da yeniliklər mövcuddur. Buna misal olaraq 19 dinamikli Harman səs sistemini göstərmək olar.

ДРУГИЕ СТАТЬИ