Ford şirkəti amerikan polisi üçün daha bir hibrid hazırlayıb

Ford şirkəti amerikan hüquq-mühafizə orqanları üçün nəzərdə tutulan nəqliyyat vasitələrinin əsas istehsalçılarından biridir. Bu günlərdə amerikan istehsalçısı polis orqanları üçün hibrid ofrouderini hazırladığını bəyan edib. Bu sözlərin təsdiqi olaraq Explorer modelinin bazasında hazırlanmış patrul avtomobilinin şəkilləri də dərc edilib.

İstehsalçının bildirdiyinə görə, yeni patrul avtomobili 3,7-litrlik V6 mühərrikindən daha effektiv güc aqreqatına malik olacaqdır. Həmçinin belə avtomobilin benzin mühərrikli analoqundan 40% daha qənaətcil olacağı da xüsusi ilə vurğulanıb.

Xatırladaq ki, bir müddət bundan öncə,istehsalçı Police Responder Hybrid Sedan modelini təqdim edərək, onun dünyada cinayətkərləri təqib etməyə imkan verən benzin-elektrik güc qurğusu ilə təchiz edilmiş yeganə avtomobil olduğunu iddia etmişdi. 

Sedan Atkinson dövrü ilə işləyən iki litrlik benzin mühərriki və elektromotorla təchiz edilmişdir. Güc qurğusunun ümumi gücü açıqlanmamışdır. Ford şirkətindən  sedanın 96 km/saat həddinə qədər  sürətlərdə elektrik ötürməsi ilə hərəkət etdiyi bildirilmişdir. Ford Police Responder Hybrid Sedan modelinin 100 kilometrə olan ortalama yanacaq sərfiyyatı 6,2 litr təşkil edir. Ford şirkətinin polis üçün hazırladığı digər model – 3,7-litrlik mühərriki olan Police Interceptor sedanı 100 kilometrə 13 litr yanacaq sərf edir.

İlk hibrid polis avtomobilləri yay aylarında xidmətə başlayacaqdırlar.

ДРУГИЕ СТАТЬИ