Bentley Bentayga Speed yenilənmiş dizayna malik olacaq

İki il bundan öncə təqdim edilmiş Bentley Bentayga modeli geniş mühərrik çeşidinə malik olan yeganə dəbdəbəli krossoverdir. Krossoverin mühərrik çeşidinə, Bentley aşıqlərinə tanış olan W12 mühərrikindən başqa, benzin və dizel ilə çalışan V8 mühərrikləri, həmçinin V6 mühərrikinin əsasında yaradılmış məişət şəbəkəsinə qoşulan hibrid də daxildir.

Yeganə çatışmayan şey, digər Bentley modelləri üçün təklif edilən Speed modifkasiyasının yoxluğudur. 2016-cı ildə belə bir modifikasiyanın buraxılacağı bəyan edilsə də, bu günə kimi Bentayga Speed modeli barədə heç bir məlumat yoxdur. Bu günlərdə dəbdəbəli avtomobillər istehsal edən britaniya markasının dizaynına cavabdeh olan Ştefan Zilaff bu məsələyə aydınlıq gətirib.  Zilaff dizayn cəhətdən Bentley Bentayga Speed modelinin “böyük dəyişikliklərə” məruz qalacağını bildirib.

Üstəlik o, texniki cəhətdən Speed modelindən gözlənilən dəyişikliklərin də olacağını söyləyib. Lakin, heç bir detalı açıqlamayıb.

Əlbəttə ki, Speed modelinin 6,0-litrlik W12 biturbo mühərriki  608 at qüvvəsi və 900 Nm fırlanma anından daha çox güc hasil edəcəkdir. Gücün artırılması krossoverin dinamik xaraktristikalarına da müsabət təsir göstərməlidir. Hazırda Bentley Bentayga 100 km/saat həddinə 4,1 saniyəyə sürətlənir və 301 km/saat maksimal sürət həddinə malikdir.

Çox güman ki, Bentley Bentayga modelinin Speed modifikasiyası bu ilin sonuna kimi təqdim edilməlidir. 2019-cu ildə britaniya markası yeni nəsil Continental GTC kabrioletini və Flying Spur sedanını təqdim etməyi planlaşdırıbdır.  Bayraqdar Mulsanne modelinə gəldikdə isə, flaqmanın 2020-ci ildə nəsil dəyişdirəcəyi söylənilir.

ДРУГИЕ СТАТЬИ