Volvo şirkəti növbəti nəsil S60 sedanının tizerini yayıb

Volvo şikəti yeni nəsil S60 modelinin tizerini dərc edib. Yeni sedanın təqdimat mərasimi 20 iyun tarixində isveç istehsalçısının Çarlztondakı (ABŞ, Cənubi Karolina) zavodunun açılışı zamanı keçiriləcəkdir.

Bir neçə gün bundan öncə, isveç istehsalçısı hələlik təqdim etmədiyi avtomobil üçün Polester Engineered adlı idman dəstini nümayiş etdirmişdir. Bu dəst yalnız avtomobilin T8 Twin Engine mühərriki ilə təchiz edilmiş modifikasiyası üçün nəzərdə tutulubdur. İdman dəstini birinci olaraq, yeni nəsil hibrid S60 sedanı, sonra isə V60 universalı və XC60 krossoveri əldə edəcəkdir. Bu dəstlə təchiz edilmiş avtomobillərin asqı və əyləc sistemləri, həmçinin mühərrikin idarəetmə elektronikası təkmilləşdiriləcəkdir.

Məlumdur ki, Volvo S60 T8 Twin Engine modeli tərkibinə 2,0-litlik dörd silindrli turbomühərrik və elektromotor daxil olan hibrid güc qurğusu ilə təchiz edilir. Hibrid qurğu 390 at qüvvəsi hasil edir. Polestar Engineering dəsti bu qurğunun gücünü 409 at qüvvəsinə, fırlanma anını isə 670 Nm-ə qədər artırmağa imkan verir. Bununla belə, istehsalçı S60 Polestar Engineering modelinin dinamik xarakteristikalarını açılamayıb. Onlar modelin daha qənaətçil olduğunu bildiriblər.

Xatırladaq ki, bir müddət bundan əvvəl Volvo şirkəti yeni nəsil V60 universalı təqdim etmişdir. Bu platformadan XC60 və 90-cı seriyadan olan modellərin inşasında istifadə edilib. Yeni modelin qabarit uzunluğu 4761 millimetr, təkər bazasının uzunluğu isə 2872 millimetrdir. Bu XC60 modelində olduğundan 117 və 98 millimetr çoxdur.

Universalın baqaj bölümünün həcmi 529 litr təşkil edir. İkinci oturacaq cərgəsinin qatlanması halında  bu rəqəm 841 və 1364 litrə kimi arta bilər. V60 modelinin mühərrik çeşidinə 225 və 275 at qüvvəli 2,0-litrlik benzin mühərrikləri və 135 və 165 at qüvvəli 2,0-litrlik dizel aqreqatları daxildir. Eyni zamanda, Volvo V60 iki hibrid modifikasiyaya sahib olacaqdır - 340 at qüvvəli T6 və 390 at qüvvəli T8.

Yeni universalın təchizatına qəzaları önləyən və avtomatik əyləcləmə funksiyasına malik olan City Safety sistemi ilə təchiz edilir. Şirkətdən bildirildiyinə görə, bu sistemin dünyada piyadaları, velosipedçiləri və iri heyvanları aşkar edən yeganə sistemin olduğunu bildirib.

ДРУГИЕ СТАТЬИ