Toyota 1000 at qüvvəli hiperkar buraxacağını təsdiqləyib

Toyota şirkətinin idman bölümü olan Gazoo Racing 1000 at qüvvəli GR Super Sport Concept modelinin seriyaya gedəcəyini təsdiq edib. İlk dəfə prototip bu ilin yanvarında Tokyoda keçirilən avtosalonda nümayiş etdirilib. İndi isə, Toyota konsepti Le-Mana gətirib.

Tam çəkişli hiperkar tamamilə karbondan hazırlanmış konstruksiyaya sahib olacaq və 2,4-litrlik benzin birurbo mühərrikinin əsasında hazırlanmış hibrid güc qurğusu ilə təchiz ediləcəkdir. Eyni aqreqat keçən həftə sonu Le-Manın Sarte avtodromunda keçirilən sutkalıq marafonda qalib gələn Toyota TS050 Hybrid sportprototipi də təchiz edilir. Hiperkar haqqında başqa məlumat verilməyib.

Ehtimallara görə, bu hiperkar iki ildən sonra dözümlülük üzrə dünya çempionatında iştirak edəcəkdir.

Məlum olduğu kimi, 2020-ci ildən bu yarışların texniki reqlamentində dəyişiklik olacaqdır. Yeni qaydalara əsasən seriya hiperkarlarına bənzəyən prototiplərin kateqoriyası təsis olunacaqdır.

ДРУГИЕ СТАТЬИ