Suzuki şirkəti yeni nəsil Jimny modeli haqqında məlumat verib

Yeni nəsil Suzuki Jimny modelinin təqdimatı 5 iyula təyin edilsə də, bu gün yapon şirkətinin veb-saytında yeni ofrouderin fotoşəkilləri dərc olunub. Üstəlik, istehsalçı müəyyən məlumat da verib.

Maraqlıdır ki, şəkillərdə Jimny modelinin müxtəlif modifikasiyaları təsvir olunubdur. Bunlar sükan çarxı sağda və solda yerlləşən avtomobillər, təkər tağlarının genişləndiriciləri olan və olmayan, bir rəngli və ya iki rəngli kuzovları olan ofrouderlərdir. Plastik örtmələri olmayan avtomobillər sırf yapon bazarı üçün nəzərdə tutulublar. Bu yolla istehsalçı, yapon qanunvericiliyinin key-karlar üçün müəyyən etdiyi ölçülərdə qalmağa çalışır.

Məlumdur ki, Yaponiyada key-karların sahibləri üçün xüsusi vergi güzəştləri mövcuddur.

Təkər tağlarının genişləndiriciləri olan Suzuki Jimny modelləri isə beynəlxalq bazarda satılan «tamölçülü» avtomobillərdir. Bu modellər Yaponiyada Suzuki Jimny Sierra adı ilə də satılır. Qeyd etmək gərəkdir ki, avtomobilin konstruksiyası qorunub-saxlanıbdır. Jimny əvvəlki kimi bütov körpüləri, raması, yaylı asqısı, sərt şəkildə qoşulan tam çəkiş sistemi və azaldıcı pillələi olan bölüşdürücü qutuya malik olan əsl ofrouderdir. Tam ötürmənin rejimlərinin qoşulmasına indi dəbdə olan düymə-şayba deyil, ənənəvi dəstək cavabdehdir.

Elektron yardımçılar arasında sabitləşdirmə sisteminin və avtomatik əylənmə yardımçısının da olacağı ehtimal edilir.

Yeni ofrouderin dördkünc interyeri də klassik sxemlə tərtib edilibdir.

Burada analoq cihazları ilə yanaşı müasir multimedia sistemini və klimat-kontrolu da görmək olar. Yeni Jimny beş pilləli mexaniki və dörd pilləli avtomatik qutular ilə təklif edilir. Beynəlxalq bazar üçün nəzərdə tutulan Jimny modeli 1,5-litrlik atmosfer mühərriki ilə təchiz ediləcəkdir. Daxili bazar üçün isə, gücü 64 at qüvvəsini keçməyən 660 «kubluq» mühərrik nəzərdə tutulubdur.

Yeni Suzuki Jimny modelinin istehsalına artıq start verilib.

ДРУГИЕ СТАТЬИ