Həbs edilmiş Ştadler vəzifəsindən çıxarılıb

Volkswagen konserninin müşahidə şurası dizel qalmaqalı ilə əlaqədar həbs olunmuş Rupert Ştadleri Audi şirkətinin rəhbərliyindən və direktorlar şurasının tərkibindən kənarlaşdırıb. Bu barədə alman istehsalçısının rəsmi məlumatında bildirilib.

Volkswagen konsernindən tutduğu vəzifələrdən azad edliməsi xahişi ilə Rupert Ştadlerin müşahidə şurasına müraciət etdiyi də bildirilib. Şirkətdən bunun «Ştadlerin həbsinin bütün səbəbləri aydınlaşmayana kimi» müvəqqəti tədbir olduğunu da qeyd ediblər.

Ştadlerin vəzifəsinin müvəqqəti icrası Audi şirkətində 9 aydır çalışan Abraham Şota həvalə edilib. Bu günə qədər o satış və marketinq bölməsinə başçılıq edib.

Audi şirkətinin rəhbəri 18 iyun tarixində öz evində həbs edilibdir. Onu dələduzluqda və dəlillərin qizlədilməsində ittiham edirlər.Prokurorluq Ştadlerin avtomobillərdə stend sınaqları zamanı zərərli tullantıların səviyyəsini azaldan aldadıcı proqram təminatının quraşdırılması barədə xəbəri olduğunu güman edirlər.

ДРУГИЕ СТАТЬИ