Bentley Bentayga kupe-krossover modifikasiyasına sahib olacaq

Bentley şirkəti gələn il Bentayga modelinin kupe şəkilli Sport modifikasiyasını təqdim edəcəkdir. Bentayga Sport bu sayaq avtomobillərə məxsus olan maili tavana və yenilənmiş dizayna malik olacaqdır. Sonradan yeni üslub adi krossoverin eksteryerində də tətbiq ediləcəkdir. Bu barədə "Auto Bild" nəşri məlumat verib.

Yeni model haqqında əlavə məlumat verilməyib. 2016-cı ildə şirkətin o zamankı rəhbəri Volfqanq Dürhaymer krossoverin W12 mühərikini qoruyub-saxlayacaq, eyni zamanda daha güclü və yeyin olan «qaynar» Speed modifikasiyasının buraxılacağını təsdiq etmişdir.

Hazırda Bentley Bentayga modelinin mühərrik çeşidinə 608 at qüvvəsi və 900 Nm hasil edən 6,0-litrlik W12 mühərriki, 550 at qüvvəsi və 770 Nm hasil edən 4,0-litrlik iki turbokompressorlu V8 mühərriki, 435 at qüvvəsinə və 900 Nm fırlanma anına malik olan 4,0-litrlik dizel aqreqatı daxildir. Bundan əlavə, dəbdəbəli krossover Porsche Panamera E-Hybrid modelinin  ümumi gücü 462 at qüvvəsi olan hibrid güc qurğusu ilə də təklif edilir.

Ən güclü modifikasiya 100 km/saat həddinə 4,1 saniyəyə sürətlənir və 301 km/saat maksimal sürətə malikdir.

ДРУГИЕ СТАТЬИ