Bentley "Payks Pikdəki" rekordun şərəfinə xüsusi seriya təsis edib

Bentley Bentayga krossoverini idarə edən Ris Millen krossoverlər üçün Payks Pik dağa dırmanma yarışının rekorduna imza atıb. Bu münasibətlə Bentley şirkəti krossoverin xüsusi versiyasını buraxacaqdır.

600 at qüvvəsinə malik olan krossover 20 kilometrlik dağ trassını 10 dəqiqə 49,9 saniyəyə qət edib. Baçqa sözlə desək, Millen trassı ortalama 107 km/saat sürəti ilə qət edib. Bununla o 2014-cü ildə Pol Dallenbah tərəfindən Range Rover Sport modelində göstərilmiş 12 dəqiqə 35,6 saniyəlik rekordu 2 dəqiqə yaxşılaşdırıb. 

Dağ trassını qət etməyə demək olar ki standart avtomobil göndərilib. Təkmilləşdirmələr çox məhdud xarakter daşıyıb: avtomobildə güclü təhlükəsizlik karkası, yanğınsöndürmə sistemi, çoxnöqtəli təhlükəsizlik kəmərləri, yarış oturacaqları quraşdırılıb. Bundan əlavə arxa divandan və bir sıra tərtibat elementlərindən imtina edilib.

Eyni zamanda, avtomobil Akrapoviç buraxılış sistemini və Pirelli yarısliklərinə sahib olub. Qalan texniki hissə dəyişilməz qalıb."Buludlara çıxan" krossover 608 at qüvvəsi və 900 Nm fırlanma anı hasil edən 6,0-litrlik W12 mühərriki ilə təchiz edilir. Bentayga pnevmatik asqını, tam çəkiş sistemini və 48-voltluq şəbəkədən qidalanan aktiv köndələn dayanıqlılıq stabilizatorlarını qoruyub-saxlayıbdır.

Yeni rekordun şərəfinə Bentley şirkəti müştərilərinə krossoverin Pikes Peak Bentayga xüsusi versiyasını təklif edəcəkdir. Xüsusi seriyadan olan avtomobillər qara Deep Beluga Black və ya Radium parlaq yaşıl rənginə boyanacaqdırlar. Krossoverin bütün xrom elementləri qaraları ilə əvəz ediləcəkdir. Onun 22-düymlük təkər diskləri də ikirəngli olacaqdır. Avtomobilin ön qanadlarına Pikes Peak loqotipləri yapışdırılacaqdır.

Krossoverin salonunun tərtibatında Beluga dərisindən, alkantara və karbondan istifadə ediləcəkdir.

Bundan başqa, salonda parlaq-yaşıl haşiyələr ön paneldə isə trassın sxemi olacaqdır. Xüsusi seriyadan olan avtomobillərin qiyməti açıqlanmyıb. Cəmi 10 ədəd pikes Peak bentayga modeli buraxılacaqdır. 

ДРУГИЕ СТАТЬИ