Toyota Yaponiya bazarı üçün yeni nəsil Corolla hetçbekini təqdim edib

Toyota şirkəti Yaponiya bazarı üçün nəzərdə tutulmuş yeni nəsil Corolla hetçbekini təqdim edib. Şimalı Amerika bazarında təklif edilən hetçbekdən fərqli olaraq model öndən və ya tam çəkiş sistemi ilə təklif edilir. Bundan əlavə, Corolla modelinin təchizatına bir sıra xidmətlərdən istifadə etməyə imkan verən DCM kommunikasiya modulu da daxil edilib.

Yaponiyada Toyota Corolla Sport adı ilə satılan hetçbek iki güc qurğusu ilə təklif ediləcəkdir. Bunlardan birincisi 1,8-litrlik mühərrikin əsasında yaradılan hibrid güc qurğusu, ikincisi isə 1,2-litrlik turbomühərrikdir. Hibrid qurğu 112 at qüvvəsi, turbomühərrik isə, 116 at qüvvəsi və 185 Nm fırlanma anı hasil edir. Güc aqreqatları 10-pilləli sekvental ötürmələr qutusunun işini təqlid edən Super CVT-i variatoru ilə təchiz edilir. Toyota Corolla Sport modifikasiyasının təchizatına 7,0-düymlük sensorlu ekranı olan məlumat-əyləncə kompleksi, güclü yan dəstəyinə malik idman oturacaqları, həmçinin təhlükəsizlik sistemlərinin genişləndirilmiş kompleksi daxil edilib.

Sonuncu dəstə zolaqda saxlama funksiyası, avtomatik uzaq işıqlar və qarşıda gedən avtomobili təqib etmək funksiyasına sahib olan adaptiv kruiz-kontrol daxildir.

Bundan başqa, Toyota Corolla Sport sahibləri müxtəlif xidmətlərdən istifadə etmək imkanına malikdirlər. Bunlara misal olaraq, smarfon vasitəsilə avtomobilin bortsistemlərinin müayinəsini, qəza işıqları işə düşərkən əlaqə mərkəzinin əməkdaşlarından məsləhətləri, xidmətarası intervalların optimallaşdırılmasını, qəza zamanı xilasedici və təcili yardım xidmətlərinin avtomatik çağrılmasını göstərmək olar.

ДРУГИЕ СТАТЬИ