Volvo S60 T8 Polestar Enginereed modelinin bütün tirajı 39 dəqiqə ərzində satılıb

Yeni nəsil Volvo S60 sedanının “qaynar” variantı olan T8 Polestar Engineered modifikasiyasının bütün tirajı marka müştəriləri tərəfindən 39 dəqiqəyə alınıb. ABŞ bazarı üçün cəmi 20 nüsxəlik tirajla buraxılan avtomobillərin hər biri öz sahibini tapıb.

“Qaynar” sedanı ABŞ-da fəaliyyət göstərən Care by Volvo tətbiqi vasitəsi ilə abunə yazılmaqla əldə etmək mümkündür.

Abunəçilər ayda 1100 dollar ödəməlidirlər. Bu məbləğə sığorta və avtomobilin texniki baxışı üzrə xərcləri də daxildir. Lakin, abuna haqqını iki il müddətində ödəmək gərəkdir. Buna baxmayaraq, bir ildən sonra avtomobili yenisi ilə əvəz etmək də mümkün olacaqdır. Volvo S60 sedanının yeni nəsli cari ilin iyun ayının ortalarında isveç markasının Çarlztondakı zavodunda debüt edib. Volvo S60 T8 Polestar Enginereed modifikasiyası 415 at qüvvəsi hasil edən hibrid güc aqreqatı ilə təchiz edilir.

Hibrid qurğu turbokompressor və mexaniki kompressora malik olan 2,0-litrlik dörd silindrli mühərrikin əsasında yaradılıbdır. Xüsusi seriyadan olan avtomobillər təkmilləşdirilmiş asqıya, əyləc sisteminə və ötürmələr qutusuna sahibdir.

ДРУГИЕ СТАТЬИ