Audi e-tron krossoverinin interyerini nümayiş etdirib

Audi şirkəti Kopenhagendə keçirilmiş xüsusi tədbirdə e-tron krossoverinin interyerini nümayiş etdirib. Yeni krossover beş ədəd displey, 16 dinamiki və 705 vattlıq gücləndiricisi olan Bang&Olufsen həcmli səs sistemi, həmçinin “virtual” yan güzgülər ilə təchiz edilir.

Ön panelin arxitekturası alman markasının son yenilikləri olan A6, A7, A8 və Q8 modellərinin üslubunda dizayn edilibdir. Bu, virtual cihazlar panelinin, multimedia və havalandırma sisteminin displeylərinin yerləşdiyi bir neçə yarusdan ibarət olan ön paneldir. Bundan əlavə, ön qapılardakı dəstəklərinin üst tərəfində iki yeddi düymlük OLED displeyləri də quraşdırılıbdır. Bu displeylər yan güzgülər rolunu oynayan kameralardan alınan görüntüləri əks etdirir. Sistem məlumatı üç rejimdə - şosse, döngə və dayanacaq, - əks etdirir.

Audi e-tron modeli ümumi gücü 360 at qüvvəsi olan iki elektromotor ilə hərəkətə gələcəkdir.

İdman rejimində iadrəetmə elektronikası güc qurğusunun hasilatını qısa müddətə 408 at qüvvəsinə qədər artıracaqdır. Elektromotorlar 95 kilovat-saatlıq batareyalardan qidalanacaqdır. Dolu batareyalarla elektromobil 400 kilometr qət etmək iqtidarında olacaqdır. 100 km/saat həddinə elektrokrossover altı saniyəyə sürətlənəcəkdir. Onun maksimal sürəti 200 km/saat təşkil edəcəkdir.

ДРУГИЕ СТАТЬИ