Jeep şirkəti Avropada satılacaq yeni nəsil Wrangler modelini təqdim edib

Jeep şirkəti avropa bazarında satılacaq yeni nəsil Wrangler modelinin şəkillərini və xüsusiyyətlərini dərc edib. Ofrouder ilkin olaraq dizel güc aqreqatı ilə təklif ediləcəkdir. Sonradan “Renqlerin” dörd silindrli benzin turbomühərriki ilə təchiz edilmiş modifikasiyası da bazara çıxarılacaqdır.

Beləliklə, “Renqler” dizel ofrouderi 200 at qüvvəsi və 450 Nm fırlanma anı hasil edən 2,2-litrlik Multijet II aqreqatı ilə təchiz ediləcəkdir. Dizel mühərriki ilə təchiz edilmiş dördqapılı Jeep Wrangler Sahara modifikasiyası 100 km/saat həddini 9,6 saniyəyə toplayacaqdır.

Ofrouderin maksimal sürəti 180 km/saat olmalıdır. Qeyd etdiyimiz kimi, rəsmi satışlar başlandıqdan bir müddət sonra, ofrouder 272 at qüvvəsi və 400 Nm fırlanma anına malik olan 2,0-litrlik turbomühərrik ilə təklif ediləcəkdir. Hər iki güc aqreqatı səkkiz pilləli avtomatik qutu ilə tandemdə çalışır. 

Jeep Wrangler Sahara Unlimited

“Renqler” üç modifikasiyada təklif ediləcəkdir: Sport, Sahara və Rubicon.

İlk iki modifikasiya iki pilləli paylaşdırıcı qutusu və arxa differensialın mexaniki qapanması olan Command-Trac tam çəkiş sistemnə, Rubicon modifikasiyası isə aşağı pillə əmsalı 4,0 olan (digərlərində bu əmsal 2,72-dir) “sürünən” paylaşdırıcı qutuya, ön və arxa təkərlərarası differensialın məcburi qapanmasına və açılan ön stabilizatora malik olacaqdır.

Yeni nəsil Jeep Wrangler modelinin Azərbyacanda satışlarının başlanması tarixi hələlik məlum deyildir. Böyük ehtimalla, Jeep aşiqləri yeni ofrouderi ilin sonlarına yaxın əldə etmək şansına malik olacaqdırlar.

ДРУГИЕ СТАТЬИ