ABT Sportsline 1000 at qüvvəli RS6 universalını hazırlayıb

Kemptendə yerləşən məşhur ABT Sportsline atelyesi Audi RS6 modelinin bazasında yaratdığı hibrid superuniversalının növbəti tizerini yayıb. Atelyenin Facebook sosial şəbəkəsində yaydığı videoçarx avtomobilin heyranedici dinamikasından xəbər verir.

İlkin məlumata görə, RS6-E adlandırılmış universalın güc qurğusunun hasilatı 1000 at qüvvəsi təşkil etməlidir. Bu aqreqat 4,0-litrlik səkkiz silindrli turbomühərrikin əsasında yaradılmış, bir və ya bir neçə elektromotorla təchiz edilmişdir. Çox güman ki, aqreqatın hazırlanması zamanı atelyenin Formula E çempionatında qazandığı təcrübədən istifadə edilibdir.

Hələlik ABT RS6-E universalının dinamik xarakteristikaları açıqlanmayıb.

Atelyenin hazırladığı ən güclü Audi RS6 Avant modeli 735 at qüvvəsinə və 920 Nm-ə malikdir. Universal 100 km/saat həddini 3,4 saniyəyə toplayır və 320 km/saat maksimal sürət həddinə malikdir.

ДРУГИЕ СТАТЬИ