Fiat 500 modelini duşu olan "çimərlik" pikapına çeviriblər

Garage Italia atelyesi və Pininfarina dizayn-studiyası Fiat şirkətinin texniki mütəxəssislərinin iştirakı ilə populyar Fiat 500 sitikarının xüsusi Spiaggina adlı versiyasını hazırlayıblar. Fiat 500 Spiaggina adi hetçbeklərdən açıq kuzovu, müdafiə qövsü, qədim spidsterlərdəkinə bənzər alçaq alın şüşəsi, kiçik yük müydançası və quraşdırılmış duş ilə fərqlənir.

Fiat 500 Spiaggina by Garage Italia eyni adlı modelin 1960-cı illərdə buraxılan variantının üslubunda hazırlanmış dizayna sahibdir. Bu layihə modelin ad gününə və ilk xüsusi versiyasının buraxılmasının 60 illik yubileyinə həsr edilibdir. Avtomobilin kuzovu yayın çalarları sayılan mavi Volar Blue və ağ Perla White rənglərinə boyanıbdır. Fiat 500 Spiaggina modelinin baqaj bölümünün tərtibatı dəbdəbəli yaxtaları xatırladır: bölüm tamamilə ağacla örtülübdür. Sürücü və sərnişinin kresloları isə 60-cı illəri xatırladan bütöv divanla əvəz edilibdir. Avtomobilin interyerinin tərtibatında isə suyadavamlı maddə ilə emal edilmiş Foglizzo dərisindən istifadə edilib.  

Quraşdırılmış duşdan isə dənizdə çimdikdən sonra çimərlik ləvazimatını yumaq üçün istifadə etmək olar.

“Çimərlik” modeli ilə birlikdə italyan şirkəti Fiat 500 Spiaggina 58 modelini də təqdim edib. Məhdud saylı tirajla buraxılacaq xüsusi kabrioletdən 1958 ədəd istehsal ediləcəkdir. 

Spiaggia 58 modeli digərlərindən kuzovun eksklyuziv rəngi, retro üslubunda dizaynı olan təkər diskləri, açıq-qəhvəyi rəngli yumşaq tavanı və xromdan işləmələri olan yan güzgüləri ilə seçiləcəkdir.

ДРУГИЕ СТАТЬИ