ABT Sportsline atelyesi RS6-E haqqında məlumat verib

Kemptendə yerləşən ABT Sportsline tüninq atelyesi dünyada ilk hibrid superuniversalı olan RS6-E barədə məlumatı açıqlayıb. Superuniversal ABT mütəxəssisləri tərəfindən təkmilləşdirilmiş Audi RS6 Avant modelinin əsasında yaradılıbdır.

4,0-litrlik səkkiz silindrli biturbo mühərrik və kardan valı ilə birbaşa birləşdirilmiş elektromotor və 13,6 kilovat-saatlıq batareyadan ibarət olan hibrid güc qurğusu 1018 at qüvvəsi və 1291 Nm fırlanma anı hasil edir. 100 km/saatdan 300 km/saat həddinə RS6-E modeli 10 saniyəyə sürətlənir.

Hələlik ABT RS6-E universalının dinamik xarakteristikaları açıqlanmayıb. Atelyenin hazırladığı ən güclü Audi RS6 Avant modeli 735 at qüvvəsinə və 920 Nm-ə malikdir. Universal 100 km/saat həddini 3,4 saniyəyə toplayır və 320 km/saat maksimal sürət həddinə malikdir.

ДРУГИЕ СТАТЬИ