Toyota NASCAR çempionatında yarışacaq Supra avtomobilini təqdim edib

Toyota şirkəti yeni Supra modelinin iki variantını təqdim edib. Onlardan biri NASCAR üçün nəzərdə tutulmuş avtomobildir. Modelin ikinci variantı isə, kamuflyajla örtülmüş mülki avtomobildir. Xatırladaq ki, kupenin seriya variantı yaxın zamanlarda keçiriləcək Qudvud sürət festivalında keçiriləcəkdir.

Toyota Supra modelinin yarış versiyası Toyota Racing Development (TRD) idman bölməsi və Kaliforniyada yerləşən Calty Design Research dizayn studiyası tərəfindən yaradılmışdır.

Avtomobil üzərində çalışmalar 2017-ci ildə başlayıb. Bununla belə, qarşıda duran əsas məsələlərdən biri mülki kupe ilə NASCAR modeli arasında oxşar elementləri qoruyub-saxlamaq olub. Növbəti ildən yarış avtomobili Xfinity Series divizionunda çıxış etməyə başlayacaqdır.

Yarış avtomobilinin kütləvi debütü gələn ilin 16 fevral tarixində Daytonada baş tutmalıdır.

Hazırda NASCAR çempionatında Toyota komandası Camry modeli ilə təmsil olunubdur. Xfinity seriyasına gələn andan yapon istehsalçısı dörd çempion tituluna sahib olub. Komandalar çempionatında Toyota iki titula sahib olub. Yapon komandasının pilotları 142 qələbə əldə ediblər.

Yeni nəsil Toyota Supra kupesi BMW tərəfindən hazırlanmış 3,0-litrlik altı silindrli sıralı mühərrik ilə hərəkətə gələcəkdir. Supra modelində quraşdırılacaq mühərrik iki turbokompressorla təchiz ediləcəkdir. İlkin məlumatlara görə, mühərrik 450 at qüvvəsinə malik olacaqdır.

ДРУГИЕ СТАТЬИ