Bugatti "sürücü" hiperkarı hazırlayır

Bugatti şirkəti yeni hiperkarı hazırladığını təsdiq edib. Bugatti Divo adlandırılacaq hiperkar 40 nüsxəlik tirajla buraxılacaqdır. Hiperkarın qiyməti beş milyon avrodan başlanacaqdır.

Yeni hiperkar 1920-ci illərdə Bugatti avtomobilinin sükanı arxasında iki dəfə Targa Florio yarışında qalib gəlmiş fransız pilot  Albert Divonun şərəfinə adlandırılıbdır. Bugatti şirkətinin rəhbəri Ştefan Vinkelmanın sözlərinə görə, hiperkar markanın sürücüyə ünvanlanan avtomobili olacaqdır.

Avtomobil əla idarələnməyə malik olacaq və maksimal yerəbasma gücünün hasil olunmasına tənzimlənəcəkdir. Eyni zamanda, hiperkar ən yüksək yüklənməyə qarşı da dözümlü olacaqdır.

Bugatti Divo Chiron modelinin əsasında yaradılacaqdır. Lakin, avtomobilin texniki içalatı barədə heç bir məlumat verilməyib. Bununla belə, Divo modelinin Chiron Sport hiperkarından yeyin olacağı söylənilir. Nə qədər qəribə səslənsə də, "sürücü" hiperkarının maksimal sürət həddi 420 km/saatdan 385 km/saata qədər azaldılacaqdır.

ДРУГИЕ СТАТЬИ