Honda Avropada satılacaq CR-V modelini təqdim edib

Honda şirkəti avropa bazarında təklif ediləcək beşinci nəsil CR-V krossoverini təqdim edib. Avropada satılacaq krossoverlər turbomühərrikə və pilləsiz CVT variatoruna sahib olacaqdırlar.

1,5-litrlik dörd silindrli VTEC Turbo aqreqatı yeni nəsil Civic modeli ilə birlikdə debüt edib. Lakin, krossover üçün nəzərdə tutulmuşş mühərrik xüsusi olaraq bu model üçün hazırlanmış turbokompressorla təchiz edilibdir. Mexaniki ötürmələr qutusu ilə tandemdə çalışan güc aqreqatı 173 at qüvvəsi və 220 Nm fırlanma anına malik olacaqdır.

Variatorla təchiz edilən turbomühərrik isə 193 at qüvvəsi və 243 Nm fırlanma anı hasil edəcəkdir.

Turbomühərrik ilə təchiz edilmiş Honda CR-V modeli 100 km/saat həddinə 9,3 saniyəyə sürətlənməlidir. Onun maksimal sürəti isə 211 km/saat təşkil edəcəkdir. 

ABŞ-da təklif edilən krossover kimi, “avropalı” CR-V modeli də təkmilləşdirilmiş tam ötürməli çəkiş sisteminə malik olacaqdır. Yeni sistem arxa oxa 60% daha çox fırlanma anını ötürməyə qadirdir. Ümumiyyətlə isə təkərlərə ötürülən fırlanma anı 15% (550 Nm-ə qədər) çoxalıbdır.

Modelin standart təchizatına altı təhlükəsizlik yastığı və Honda Sensing təhlükəsizlik sistemləri kompleksi daxil edilibdir.  Bu sistemlərin arasında adaptiv kruiz-kontrol, öndən toqquşmaları xəbərdar edən sistem, zolaqda saxlama funksiyası və yol nişanlarını oxunması sistemi vardır.

ДРУГИЕ СТАТЬИ