Porsche şirkəti 718 Cayman və 718 Boxster modellərini GTS 4.0 modifikasiyasında təqdim edib. Kupe və rodster 400 at qüvvəsi hasil edən altısilindrli mühərrik və mexaniki ötürmələr qutusu ilə təklif edilir. Modellərin satışlarına aprel ayında start veriləcəkdir.
Porsche 718 Cayman GTS 4.0 və Boxster GTS 4.0 modelləri 100 km/saat həddini 4,5 saniyəyə toplayırlar. Onların maksimal sürəti 293 km/saat həddində məhdudlaşdırılıb. GTS 4.0 indeksli modelləri qara rəngli 20-düymlük təkər diskləri, eksteryer və interyerin Qara rəngli tərtibat elementləri, 20 mm azaldılmış klirens, havalandırmalı əlyəc mexanizmlərinə və qırmızı supportlar sayəsində ayırd etmək olar.
Hər iki yeni məhsul üçün, elektronika ilə idarəedilən amortizatorları olan PASM asqısı, gücə gərək olmadıqda iki sıranın silindrlərini növbə ilə söndürülməsini təmin edən adaptiv silindr idarəetmə sistemi, həmçinin standart təchizata daxil olan və idarələnən çəpərciklərə malik olan idman buraxılış sistemi daxildir.
Qoşulan PSM Sport rejimi və arxa differensialın mexaniki kilidlənməsinə malik olan fırlanma anını paylaşdırması sistemləri ilə birlikdə çalışan Porsche Stability Managment (PSM) sistemi də kupe və rodsterin standart təchizatına daxil edilibdir.
Əlavə ödənişlə, hündürlüyü 10 mm azaldılmış idman asqısını və karbon-saxsı əyləc mexanizmlərini sifariş etmək olar. Xatırladaq ki, keçən ilin yayında Porsche 420 at qüvvəsinə sahib olan Porsche 718 Cayman GT4 və 718 Spyder GT4 modelləri təqdim etmişdi.
