Mercedes-Benz Sprinter furqonu elektrik güc aqreqatına sahib olub

Mercedes-Benz şirkəti yeni nəsil Sprinter furqonunun elektrik variant haqqında ilk məlumatı dərc edib. Gələn il bazara çıxacaq Mercedes-Benz eSprinter, alman şirkətinin üç elektrik kommersiya avtomobillərindən ikincisi olacaqdır. Onlardan birincisi eVito miniveni, sonuncusu isə eCitan modeli olmalıdır.

Elektrik Sprinter furqonu eVito modelinin təchiz edildiyi güc aqreqatına malik olacaqdır . Elektromotor 107 at qüvvəsi və 300 Nm fırlanma anı  hasil edir, həmçinin 41 və ya 55 kilovat-saatlıq batareyalar dəstindən qidalanır. Birinci halda avtomobil dolu batareyalarla 115, ikinci halda isə, 150 kilometr qət edəcəkdir. Furqonun baza variant 1040 kiloqram yük götürəcəkdir.

Uzun məsafəli eSprinter modelinin yükgötürmə qabiliyyəti 900 kiloqram təşkil edəcəkdir. Furqonun batareyalarının doldurulmasına 6-8 saat arasında vaxt tələb olunur. Yüksək gücü olan elektrik yükləmə stansiyalarında akkumulyatorların 80 faizini 45 dəqiqəyə doldurmaq mümkün olacaqdır. Adi Mercedes-Benz Sprinter furqonu bu ilin fevral ayında təqdim edilib.

ДРУГИЕ СТАТЬИ