Volkswagen və Ford yeni ittifaq quracaqlar

Volkswagen və Ford şirkətləri strateji ittifaqın yaradılması barədə məlumat yayıblar. Bu ittifaq çərçivəsində istehsalçılar birlikdə yeni avtomobillər hazırlayıb buraxmaq niyyətindədirlər. Bu barədə “Reuters” agentliyi xəbər yayıb.

İstehsalçılar hazırda “bir neçə birgə layihəni nəzərdən keçirdiklərini” bildiriblər. Buraya dünya bazarları üçün kommersiya avtomobilləri xəttinin də hazırlanması da daxildir.  Bununla belə, istehsalçılar öz  səhmləri ilə mübadilə etmək fikrindən uzaqdırlar. Gələcək alyansın hansı formada qurulacağı barədə də heç bir məlumat verilməyib.

Bir müddət bundan öncə, MAN və Scania yük markalarına sahib olan Volkswagen şirkəti Toyota konserininə məxsus olan Hino brendi ilə tərəfdaşlıq barədə müqavilə imzalayıb. Tərəflər kommersiya nəqliyyatı üçün istifadə edilən dizel və benzin-elektrik güc qurğuları üzərində çalışacaqdırlar. Eyni zamanda, bu çalışmalar avtonom idarəetmə və avtomobillər arasında qarşılıqlı kommunikasiya sistemlərinin yaradılmasını da əhatə edəcəkdir.

Əvvəllər  Volkswagen və Ford şirkətləri müştərək model olan Sharan və Galaxy minivenlərini hazırlayıblar. Minivenin ikinci nəsli üzərində işləri tərəflər bir-birindən asılı olmayaraq ayrılıqda aparıblar.

ДРУГИЕ СТАТЬИ