Skoda Kamiq modeli təqdim olundu

Skoda şirkəti çin bazarında satılacaq yığcam Kamiq krossoverinin rəsmi fotoşəkillərini dərc edib. Son korporativ üsluba uyğun olaraq krossoverin adı “K” hərfi ilə başlayıb “Q” hərfi ilə bitir.

Yeni krossover SAIC Volkswagen birgə müəssisəsi tərəfindən istehsal ediləcəkdir.  Kamiq çin bazarında yerli avtomobil brendlərinin məhsulu ilə rəqabət aparacaqdır.  Skoda Kamiq çex istehsalçısının model xəttində Karoq modelindən bir pillə aşağıda yerləşəcəkdir.

Skoda Kamiq modelinin qabarit uzunluğu 4390 millimetr, eni - 1781 millimetr, hündürlüyü isə 1593 millimetr olacaqdır. Krossoverin təkər bazası 3610 millimetr təşkil edəcəkdir. Yeni model Karoq modelindən 8 millimetr uzun, 60 millimetr ensiz və 12 millimetr alçaqdır.

MQB modul platformasında inşa edilmiş modelin təkər bazası 2610 millimetrdir. Bu, Karoq krossoverində olduğundan 28 millimetr qısadır. Skoda Kamiq modeli yarımüstəqil arxa asqıya malikdir. Avtomobilin təchizatına monoxrom displeyi olan multimedia sistemi, hallogen fənərlər, adi kondisioner daxildir. Opsional olaraq sensorlu ekranı olan multimedia sistemini, yağış və işıq sensorlarını sifariş etmək olar.

Skoda Kamiq 110 at qüvvəsi və 150 Nm fırlanma anı hasil edən 1,5-litrlik atmosfer mühərriki və mexaniki transmissiya ilə təchiz ediləcəkdir. Opsional olaraq altı pilləli avtomatik transmissiyanı da sifariş etmək olar. Kamiq üçün turbomühərrik, DSG “robotu” və tam çəkiş sistemi nəzərdə tutulmayıb.

Yeni krossover satışa iyun ayında çıxacaqdır.

ДРУГИЕ СТАТЬИ