Rolls-Royce şirkəti Cullinan modelinin yeni tizerini dərc edib

Məlum olduğu kimi, bir neçə saatdan sonra dünya yeni Rolls-Royce modeli ilə tanış olacaqdır. Britaniyalı dəbdəbəli avtomobillər istehsalçısı bu gün ilk ofrouderini təqdim etməyə hazırlaşır.

Xatırladım ki, uzun müddətdir ki, Rolls-Royce şirkəti yeni modelin tizerlərini dərc etməklə yeni model ətrafında cərəyan edən ehtirasları qızışdırmağa davam edir. Hətta, modelin təqdimatına 3-4 saat qalmış istehsalçı yeni bir tizeri dərc edib. Bu dəfə diqqətlər mərkəzi tonneldə quraşdırılmış idarəetmə panelinin üzərində cəmlənib.

Tizerdən göründüyü kimi, bu paneldə multimedia və naviqasiya sistemlərini idarə etmək üçün dairəvi controller, həmçinin parktronikin, hidravlik asqının, həmçinin “offroad” rejimini aktivləşdirən düymələri görmək olar. İlkin məlumata görə, ofrouder Phantom modelinin alüminium platformasında inşa edilibdir. Qabarit uzunluğu 5,5 metr avtomobil elə “Fantom” sedanından alınmış 571 at qüvvəli V12 mühərriki və səkkiz pilləli ZF avtomatik ötürmələr qutusu ilə təchiz ediləcəkdir.

Rolls-Royce Cullinan modelinin dizaynına gəldikdə isə, avtomobilin britaniya istehsalçısının son modellərinin üslubunda eksteryerə malik olacağından şübhə etməmək olar. Bunu yeni modelin kamuflyajlı şəkilləri də təsdiq edir. Üstəlik, ofrouderin Phantom modelində olduğu kimi hərəkətin əksi istiqamətinə açılan arxa qapılara sahib olacağı da ehtimal edilir.

Bir müddət bundan öncə Rolls-Royce şirkəti National Geographic ilə birlikdə Cullinan modelinin prototipinin müxtəlif şəraitə keçirilmiş sınaqları haqqında 25 qısa videofimi də nümayiş etdirib.   

ДРУГИЕ СТАТЬИ